მანამ სანამ გზას გაუდგებით, აუცილებელია ჯგუფის ყველა წევრი შეთანხმებული იყოს გზის ტრაექტორიასა და დანიშნულების ადგილზე, ამისთვის კარგი იქნება მინი ბრიფინგი, სადაც სრული ინფორმაციის გაზიარება მოხდება, აუცილებელია ჯგუფის Წევრებს ჰქონდეთ ერთმანეთის საკონტაქტო ინფორმაცია. ყოველი ჯგუფური მოძრაობის წინ, ახალი წევრის არსებობის შემთხვევაში ის აუცილებლად უნდა გაეცნოს ჯგუფს და პირიქით, ასევე, გადახედეთ წესებს და ხელის სიგნალებს, რომელიც უსაფრთხოებისთვის და სწრაფი კომუნიკაციისთის ყველა წევრმა უნდა იცოდეს.
ლიდერმა უნდა უზრუნველყოს, რომ ჯგუფის ყველა წევრმა იცოდეს პიტ-სტოპები და მათი მდებარეობა გზაზე. რაც მთავარია, ჯგუფმა უნდა დაიცვას ძირითადი კრიტერიუმი უსაფრთხოების აღჭურვილობასთან და სკუტერების მოვლასთან დაკავშირებით - ყველა წევრმა უნდა მოამზადოს მათი ორბორბლიანი ტრანსპორტი მგზავრობისთვის.
პოზიციების განაწილება
ჯგუფის ლიდერი უნდა იყოს ადამიანი, რომელიც კარგად იცნობს მარშუტს, შეუძლია გადაწყვეტილებების სწრაფად მიღება და შეუძლია პირველადი დახმარების აღმოჩენა საჭიროების შემთხვევაში.
ჯგუფში ტარებისას დაცული უნდა იყოს “ცერა თითის” წესი, რომლის მიხედვითაც თითოეული მხედარი პასუხისმგებელია მის უკან მყოფზე. ლიდერსა და ბოლო მძღოლს შორის, ყველამ უნდა შეინარჩუნოს შეთანხმებული დისტანცია ერთმანეთს შორის და უნდა იარონ ერთ ზოლში. ჯგუფური მოძრაობის დროს დარწმუნდით, რომ მთელი ჯგუფი თავაზიანია გზის სხვა მომხმარებლების მიმართ.
გუნდური დისციპლინა
ჯგუფური მოძრაობისას, ხშირ შემთხვევებში, უნდა იმოქმედო და იარო ინდივიდუალურად , მაგალითად - როდესაც გამოდიხარ ავტოსადგომიდან, კვეთ გზაჯვარედინს, ასრულებ მანევრს. არ იმოძრაო შენს წინ მყოფი მძღოლის “ბრმა” ადგილას და გადასწრება აუცილებლად განახორციელე სწორი მხრიდან. ჯგუფს გააზრებული უნდა ჰქონდეს, საკუთარი სუსტი და ძლიერი მხარეები, უნარების დონე. Შეიძლება რამდენიმე მძღოლი იყოს უფრო სწრაფი და გამოცდილი, ზოგი კი ახალბედა და შედარებით ფრთხილი. თუ უკან მოგყვება მძღოლი, რომელიც არ არის შენსავით გამოცდილი, შეცვალე შენი ტემპი მისი კომფორტის სიჩქარეზე. თუ ტრასაზე გასვლა გიწევს, ამისთვის მარჯვენა უკიდურესი ზოლი უნდა დაიკავო და იაროთ ერთმანეთის უკან, ერთნაირი სიჩქარით.
მოძრაობისას ლიდერის გარდა, ჯგუფს უნდა ჰყავდეს 1 ჩამკეტი და ასევე 1 ისეთი ადამიანი, რომელიც შუა ნაწილში იმოძრავებს და გააკონტროლებს ჯგუფის წევრებს.
რეკომენდირებულია, ლიდერს, ჩამკეტსა და შუა მაკონტროლებლებს ერთმანეთთან უწვეტი კომუნიკაცია ჰქონდეთ (მაგ. რაციით) და ეცვათ ჟილეტი ან ჰქონდეთ დროშა, რადგან ჯგუფში მათი შემჩნევა ადვილი იყოს. არ დაგავიწყდეს, არ გადაასწრო ლიდერს, გზა დაუთმე შუა მაკონტროლებლებს და არ ჩამორჩე ჩამკეტს.
თუ ჯგუფური მოძრაობისთვის მზად ხარ და გინდა საშენო ადამიანებიც გაიცნო, მაშინ სწორ ადგილას ხარ.
