ვესპა პრიმავერას უნიკალური მოდელები – 2025 წლის ზამთრის მსოფლიო სპეციალური ოლიმპიადის მხარდასაჭერად შექმნილი დიზაინები
March 20, 2025
Vespa კრეატიულობასა და ინკლუზიურობას უნიკალური პროექტით ზეიმობს, რომელიც 2025 წლის სპეციალური ოლიმპიადის ზამთრის მსოფლიო თამაშების მხარდასაჭერად შეიქმნა. ამ განსაკუთრებული შემთხვევისთვის შეიქმნა სამი ექსკლუზიური Vespa Primavera Electric Moped – “Unique Edition”, რომელთაგან თითოეული ორ უნიკალურ Vespa-ს ჩაფხუტთან ერთად არის წარმოდგენილი.
ეს ნამდვილი ხელოვნების ნიმუშები შექმნეს ცნობილმა არქიტექტორმა ფრენკ გერიმ, თანამედროვე ხელოვნების წამყვანმა ფიგურამ ურს ფიშერმა და სპეციალური ოლიმპიადის არტისტმა და სპორტსმენმა ილარია გინკა ბონანიმ.
ეს უნიკალური დიზაინით შექმნილი სპეციალური გამოშვების ვესპას მოდელები 6 მარტს, მილანში, სპეციალური ოლიმპიადის მიერ ორგანიზებულ პრესტიჟულ გალა ვახშამზე აუქციონის მთავარი ვარსკვლავები იქნებიან.
აუქციონიდან მიღებული შემოსავალი ხელს შეუწყობს საერთაშორისო ორგანიზაციის მხარდაჭერას, რომლის მისიაა ინკლუზიური სპორტის პოპულარიზაცია ინტელექტუალური შეზღუდვის მქონე სპორტსმენებისთვის. ეს ყოველივე ხელს უწყობს სპორტის ხელმისაწვდომობას ყველასთვის.
პირველი ვესპას ექსკლუზიური დიზაინით შექმნილი მოდელი ეკუთვნის ილარია გინკა ბონანს. მიერ შექმნილი ფერადი დიზაინი გამოირჩევა თეთრ ბაზაზე ხელით დატანილი, კაშკაშა სპრეით შესრულებული დეტალებით, რომლებიც მთელ სკუტერს ფარავს. დიზაინის ელემენტები შესრულებულია აკრილის მარკერებით, ფუნჯითა და აკრილის საღებავებით.
ნამდვილი ტყავის სავარძელი ხელითაა გაფორმებული სპეციალური საღებავით და დაფარულია დამცავი ფენით. ხელოვანმა საკუთარი ხელმოწერით დამშვენებული სამახსოვრო ბეიჯი დაამატა, რომელიც დიზაინს საბოლოო ელფერს ანიჭებს.
ეს ხელით მოხატული წითელი ფონით გაფორმებული Vespa-ს ჩაფხუტები ნამდვილი მოძრავი ხელოვნების ნიმუშებია. მათი დიზაინი წარმოადგენს კაშკაშა ფერების აფეთქებას, გამოკვეთილი ხაზებითა და დინამიკური ფორმებით.
თითოეული ჩაფხუტი ერთგვარი ტილოა, რომელიც მესიჯებისა და სიმბოლოების საშუალებით ამბავს ჰყვება. ყოველი დეტალი და ფუნჯის მონასმი ემოციად გარდაიქმნება, რომელიც ინკლუზიურობისა და კავშირის იდეალებს გამოხატავს.
ვესპა პრიმავერას მეორე უნიკალური დიაზინი ფრენკ გერის მიერ არის შექმნილი. ორმაგი ტონალობის Vespa, რომლის თეთრ ფონს ხელით დატანილი ლურჯი გრაფიკა ამშვენებს, ხოლო შავი დეტალები ინდუსტრიული ზეთოვანი ფანქრებით ასევე ხელით არის შესრულებული.
ტყავის სავარძელიც იგივე ტექნიკითაა გაფორმებული, ზეთოვანი ფანქრებით, საღებავითა და დამცავი ფენით დაფარული. სკუტერი დასრულებულია ხელოვანის სამახსოვრო ხელმოწერით, რომელიც მას განსაკუთრებულ ხასიათს და მნიშვნელობას სძენს.
ეს ორფეროვანი Vespa-ს ჩაფხუტებია, რომელთაგან ერთს თეთრ ფონზე ხელით დატანილი ლურჯი გრაფიკა ამშვენებს, ხოლო მეორე მოდელი ლურჯ ბაზაზე შესრულებული თეთრი გრაფიკული ელემენტებითაა გაფორმებული.
ორივე ვერსიაში ხელით დატანილი შავი ხაზები და თეთრი დეტალები კონტრასტს ქმნის, რაც დიზაინს უფრო დინამიკურ და გამორჩეულ სახეს ანიჭებს.
ურს ფიშერის მიერ შექმნილი Vespa-ს დიზაინი გამოირჩევა კაშკაშა ფერებითა და ხელით დატანილი შავი ხაზებით, რომლებიც შესრულებულია წვრილი აკრილის მარკერით.
ნატურალური ტყავის სავარძელი ხელითაა გაფორმებული სპეციალური საღებავითა და შავი მრუდე ხაზებით, რაც დიზაინს უნიკალურ იერს აძლევს. სკუტერის წინა Piaggio-ს ლოგო თავად ხელოვანმა შექმნა.
ეს ექსკლუზიური დიზაინის Vespa-ს ჩაფხუტებია, რომლებიც თეთრ და ვარდისფერ ფერებშია წარმოდგენილი. ორივე მოდელს ამშვენებს ხელოვანის საკულტო "ჩიტის" გამოსახულება და მისი ხელმოწერა ჩაფხუტის უკანა მხარეს. ხელით მოხატული შავი ხაზები ქმნიან ძლიერი ვიზუალურ კონტრასტს.
https://youtu.be/hzhEIh--4aw?si=K6S4QiXtpsbnQ83d