ახალი რეგულაციები - მართვის მოწმობა და რეგისტრაცია - სკუტერები, მოპედები, მოტოციკლები | ისტორიები

28 მარტამდე სკუტერების რეგისტრაცია არის ნებაყოფლობითი და შეგიძლიათ დაირეგისტრიროთ თბილისში ნებისმიერ ტექ დათვალიერების პუნქტში ან/და საქართველოს სხვა ქალაქებში მომსახურეობის სააგენტოს ფილიალებში. რეგისტრაციის დროს აუცილებელია წარადგინოთ:

• სკუტერი, რომელსაც არეგისტრირებთ • პირადობის დამადასტურებელი მოწმობა *სკუტერის საბუთის არსებობის შემთხვევაში სასურველია წარადგინოთ საბუთიც.

ᲛᲐᲠᲗᲕᲘᲡ ᲛᲝᲬᲛᲝᲑᲐ:

1. მართვის მოწმობაში დაემატა AM კატეგორია, რომელიც გულისხმობს სკუტერს, მოპედს ან მსუბუქ კვადროცილს.

AM კატეგორიის ტრანსპორტის მონაცემები:

• მაქსიმალური სიმძლავრე: 4კვტ • ძრავის მაქსიამლური მოცულობა: 50 კუბი • მაქსიმალური სიჩქარე: 45 კმ/სთ

ამ კატეგორის აღებისას გამოცდაზე აბარებთ მხოლოდ თეორიულ ნაწილს, რომელიც 339 კითხვისგან შედგება.  თეორიის გამოცდის ჩაბარებას შეძლებთ ჯავშნის გარეშე და მისი საფასური 15 ლარია, მეორეჯერ გასვლის შემთხვევაში - 40.

გამოცდაზე მოგივათ შემთხვევითი 20 კითხვა, საიდანაც მინიმუმ 18-ს სწორად უნდა გასცეთ პასუხი.

კარგი ამბავი ისაა, რომ თუ გაქვთ მანქანის მართვის მოწმობა (B კატეგორია), მაშინ არ გიწევთ თეორიის თავიდან ჩაბარება და AM კატეგორია მოგენიჭებათ ავტომატურად.

კატეგორიის გამოცდაზე გასასვლელად დაგჭირდებათ:

• პირადობის მოწმობა • ჯანმრთელობის მდგომარეობის შესახებ ცნობა (ფორმა 100)

*თუ ხართ არასრულწლოვანი დამატებით დაგჭირდებათ, დაბადების მოწმობის და ნოტარიულად დამოწმებული მშობლის/მშობლების თანხმობა

AM კატეგორიის მართვის მოწმობის აღებას შეძლებთ 16 წლიდან.

2. ცვლილება ეხება ასევე A კატეგორიას, რომელსაც დაემატა ახალი ქვე-კატეგორია - A2. ანუ ამიერიდან A კატეგორიას ექნება ორი ქვე-კატეგორია (A1, A2) , რომლებიც მოიცავს სკუტერებს და მოტოციკლებს.

A1 ქვე-კატეგორია:

• მაქსიმალური სიმძლავრე: 11კვტ • ძრავის მაქსიამლური მოცულობა: 125 კუბი • მაქსიმალური სიჩქარე: არ არის განსაზღვრული

A2 ქვე-კატეგორია:

• მაქსიმალური სიმძლავრე: 35კვტ • სიმძლავრის და წონის კოეფიციენტი: 0.2კვტ/კგ • ძრავის მაქსიამლური მოცულობა: არ არის განსაზღვრული • მაქსიმალური სიჩქარე: არ არის განსაზღვრული

A1, A2 და A კატეგორიებზე ბარდება, როგორც თეორია ასევე პრაქტიკა.

იმ შემთხვევვაში თუ მანქანის (B კატეგორია) მართვის მოწმობა აღებული გაქვთ 2014 წლამდე, A კატეგორიის ასაღებად მოგიწევთ მხოლოდ პრაქტიკული გამოცდის ჩაბარება, რომელიცყოველგვარი რეგისტრაციის გარეშე შეგიძლიათ ჩააბაროთ.

პრაქტიკული გამოცდა ბარდება მომსახურეობის სააგენტოს ყველა ფილიალში, გარდა თბილისისა.  თეორიულ გამოცდაზე რეგისტრირდებით ჩვეულებრივ მომსახურეობის სააგენტოს ვებ საიტის მეშვეობით.

https://www.sa.gov.ge/p/bookingterms

• A1 კატეგორია ბარდება - 17 წლიდან • A2 - 18 წლიდან • A - 24 წლიდან (21 წლიდან, თუ ამ კატეგორიის სატრანსპორტო საშუალების მართვის უფლების მიღების მოთხოვნამდე არანაკლებ 2 წლით ადრე გაქვთ აღებული „A2“ ქვეკატეგორიის სატრანსპორტო საშუალების მართვის უფლება)

თეორიული გამოცდის ღირებულება 55 ლარია. (40 ლარი - თეორიულ გამოცდაზე დასასწრების ღირებულებაა, 15 ლარი მართვის მოწმობის დამზადების საფასური)

თეორიული გამოცდის ჩასაბარებლად უნდა წარადგინოთ:

• პირადობის დამადასტურებელი მოწმობა; • ჯანმრთელობის მდგომარეობის შესახებ ცნობა (ფორმა IV 100/ა); • სმს შეტყობინება თეორიული გამოცდის რიგის დაჯავშნის შესახებ.

თუ არ ხართ სრულწლოვანი მართვის მოწმობის ჩასაბარებლად დამატებით დაგჭირდებათ:

• დაბადების მოწმობის დედანი (ან მისი ნოტარიულად დამოწმებული ასლი); • საჯარო სკოლის ან ავტოსკოლის მოწმობა; • მშობელი ან მშობლის ნოტარიული წესით დამოწმებული თანხმობა. * თუ ხართ არასრულწლოვანი თეორიულ გამოცდაზე პირველადი დაშვების საფასური: 15 ლარია, მეორე გასვლის შემთხვევაში საფასური შეადგენს 40 ლარს.

ᲒᲐᲘᲗᲕᲐᲚᲘᲡᲬᲘᲜᲔᲗ ᲘᲡᲘᲪ, ᲠᲝᲛ 28 ᲛᲐᲠᲢᲐᲛᲓᲔ ᲢᲠᲐᲜᲡᲞᲝᲠᲢᲘᲡ ᲠᲔᲒᲘᲡᲢᲠᲐᲪᲘᲐ ᲐᲠᲘᲡ ᲜᲔᲑᲐᲧᲝᲤᲚᲝᲑᲘᲗᲘ, ᲮᲝᲚᲝ 28 ᲛᲐᲠᲢᲘᲡ ᲨᲔᲛᲓᲔᲒ ᲘᲥᲜᲔᲑᲐ ᲡᲐᲕᲐᲚᲓᲔᲑᲣᲚᲝ.

ნებისმიერ დამატებით კითხვაზე შეგიძლიათ თამამად მოგვწეროთ, თუ რამე ახალი ინფორმაცია გვექნება ჩვენც გაგიზიარებთ აუცილებლად

აბა თქვენ იცით

#მთელიქვეყანაჩვენვიქნებით

1176 ნახვა