სკუტერი - თერაპიის საუკეთესო საშუალება | ისტორიები

ის, რომ სკუტერით ჩემი პირველი გასეირნება ყოველთვის მემახსოვრება, ჩემი მეგობრის დამსახურებაა. თავიდან ცოტა შემეშინდა, ვყოყმანობდი, მაგრამ ბოლოს კიდევ კარგი, ამ შემოთავაზებაზე უარი არ ვთქვი. თბილისის ქუჩებში კატაობა პატარა ბავშვებით გვიხაროდა, სწორედ ამ სასიამოვნო გრძნობამ მიმახვედრა, რომ სკუტერი ჩემთვის საუკეთესო თერაპია იქნებოდა. და მაინც, რატომ სკუტერი? თან თერაპიის საშუალებად?

ᲡᲢᲠᲔᲡᲘᲡ ᲨᲔᲛᲪᲘᲠᲔᲑᲐ

არსებობენ პუნქტუალური და არაპუნქტუალური ადამიანები, და ვარსებობ მე, ზედმეტად პუნქტუალური ადამიანი, რომელიც თბილისში არსებული საცობების შიშით, ყოველთვის ბევრად ადრე გავდიოდი სახლიდან. Სკუტერმა ეს სტრესი გამიქრო და რადგან ახლა საცობებისთვის თავის არიდება მარტივად შემიძლია, გავხდი უბრალოდ პუნქტუალური ადამიანი. Რაც მთავარია, ტრანსპორტირება ბევრად სასიამოვნო პროცესი გახდა, Სკუტერის ტარებისას ჩემი თავის საუკეთესო ვერსია ვხდები, მხიარული, თავისუფალი და პოზიტიური, თითქოს ცოტახანი უდარდელ ბავშობას ვუბრუნდები და ყველაფერი უფრო მეტად მაბედნიერებს. Შესვენების დროს, ჩემთვის ერთ-ერთი მთავარი განტვირთვის საშუალება სკუტერია, რადგან მისი ტარება მიმძაფრებს თავისუფლების განცდას, მეხმარება გონების მოდუნებაში, უარყოფითი აზრებისა და ემოციებისგან დაცლაში და რაც მთავარია, გარემოსა და რეალობას უკეთესად აღქმაში.

ᲣᲙᲔᲗᲔᲡᲘ ᲙᲝᲜᲪᲔᲜᲢᲠᲐᲪᲘᲐ

Საოცარი ადრენალინის გრძნობაა, როსედაც აკონტროლებ შენს ყველა მოძრაობას და გრძნობ, რომ მთელი შენი სხეულია საჭირო სკუტერის დასაბალანსებლად. Მართვის დროს ხარ დეტალებზე ორიენტირებული, დაკვირვებული, ეს ყველაფერი, კი გეხმარება ყურადღება მიაქციო სხვადასხვა დეტალებს ყოველდღიურ ცხოვრებაში, იპოვო ბალანსი და იყო ჰარმონიაში როგორც შენს თავთან , ასევე გარემოსთან.

ᲥᲐᲚᲐᲥᲨᲘ ᲛᲐᲠᲢᲘᲕᲐᲓ ᲓᲐ ᲘᲐᲤᲐᲓ ᲒᲐᲓᲐᲐᲓᲒᲘᲚᲔᲑᲐ

ალბათ ყველა ვთანხმდებით რომ ბენზინის გაძვირებამ, ცოტათი მუხტი დაუკარგა მანქანით გადაადგილებას, რადგან საწვავის ფასის გაზრდამ ის ნაკლებად კომფორტული და მოსახერხებელი გადახადა. Მადლობა ყველა იმ ადამიანს, ვინც მოიფიქრა და შექმნა სკუტერი, მოპედი თუ მოტოციკლი, რომელიც მეხმარება გადავადგილდე იაფად, სწრაფად და მარტივად თანაც ისე რომ, საცობებს არ მივცე საშუალება, ხასიათი გამიფუჭოს და ზედმეტი დრო წამართვას. Ხანდახან , ვგრძნობ მძღოლებისა და მგზავრების მზერას, როგორ უნდათ, ისევე შეეძლოთ მანქანების შორის ძრომიალი და საცობებისთვის თავის არიდება, როგორც მე. თუ შენც ჩემსავით, წინასწარ გაშინებს იმაზე ფიქრი, თუ როგორი პარკინგის სიტუაცია დაგხვდება დანიშნულების ადგილას, შეგიძლია აღარ იდარდო, სკუტერის ადგილი ყოველთვის, ყველგან არის.

ᲐᲮᲐᲚᲘ ᲒᲠᲫᲜᲝᲑᲔᲑᲘ

ჩემმა სკუტერმა ხელახლა დამაკავშირა და გამაცნო ჩემი ქალაქი, და არა მარტო, ბათუმში, გაზაფხულსა თუ ზაფხულში, სკუტერით სეირნობას არაფერი ჯობს. Თუ სადმე ვაგვიანებ, ალბათ იმიტომ, დანიშნულების ადგილამდე , სადღაც გადავუხვიე, სადაც თბილისის Ბევრი, აქამდე უცნობი, ლამაზი ქუჩა აღმოვაჩინე და მათ თვალიერებას შევყევი. უფრო მეტად დავიწყე სილამაზის შემჩნევა და დაფასება, რაც შემდეგ მთელი დღე პოზიტივით მავსებს. დავემშიდობე ჯპს-ის გამოყენებას, წინასწარ აღარ ვგეგმავ, რომელი გზით წავიდე, რომ საწვავი და დრო დავზოგო, ახლა მთავარია მხოლოდ დანიშნულების ადგილი ვიცოდე და დანარჩენზე აღარ ვდარდობ. Ამ პრობლემებისთვის თავის არიდების დამსახურებით, Ბევრად უფრო ახლოს ვიგრძენი თავი სამყაროსთან და მივხვდი, რომ სკუტერით სიარული ჩემთვის საუკეთესო თერაპიაა.

ᲓᲐᲐ ᲑᲝᲚᲝᲡ..

თუ შენც ეძებ ცხოვრებაში, სიახლეს, სიმშვიდესა და ამავე დროს ადრენალინს, რომელიც შენს ცხორებას უფრო საინტერესოს, მრავალფეროვანს და მხიარულს გახდის, აღმოაჩინე შენი სკუტერი და ყოველი კატაობისას ისევ ლაღ და მხიარულ ბავშვობას დაუბრუნდები.

ავტორი: ელენე ჭელიძე ფოტოგრაფი: ლევან მაისურაძე

წაიკითხე მსგავსი ბლოგები:

2329 ნახვა