ერთ-ერთი მიზეზი, რის გამოც სკუტერი მსოფლიოს ბევრ ქალაქში გადაადგილების საუკეთესო საშუალებაა, მისი ეკონომიურობა და შესაძლებლობააა, საწვავის ყოველი ლიტრიდან ყველაზე მეტი კილომეტრი დაფაროს. მე ამ ბლოგში, გაგიზიარებ რამდენიმე რჩევას, რომელიც დაგეხმარება გაზარდო შენი სკუტერის გარბენი.

1

საბურავები ამყარებს კავშირს შენს ორბორბლიან სკუტერსა და გზას შორის, ამიტომაც მისი კარგ მდგომარეობაში ყოფნა და სათანადო დაკვირვება ყოველთვის მნიშვნელოვანია, რათა მინიმუმამდე დაიყვანო მოძრავი წინააღმდეგობა. ყოველთვის შეინარჩუნე მწარმოებლის მიერ რეკომენდირებული საბურავების წნევა, არ გაბერო ის ზედმეტად, რადგან ეს უარყოფითად იმოქმედებს მართვაზე, მოჭიდების დონესა და უსაფრთხოებაზე. ასევე, მნიშვნელოვანია გაითვალისწინო ზომა, როდესაც საბურავების გამოცვლის დროა, რადგან მისი გაზრდა გამოიწვევს კონტაქტური პაჩის გაზრდასაც, რაც შეამცირებს გარბენს და გააფუჭებს შენი ორბორბლიანი ტრანსპორტის ბუნებრივ ტარებასა და მართვას.  

2

დიდი მნიშვნელობა აქვს, თუ რამდენად კარგ მდგომარეობაშია სკუტერის ნაწილები. შეინარჩუნე სითხეების ოპტიმალური დონე (ძრავის ზეთი, გამაგრილებელი სითხეები, სამუხრუჭე ზეთი). არ დაგავიწყდეს, შეცვალე ყველა საჭირო სითხე.

3

აუცილებლად გაასუფთავე შენი სკუტერი ჭუჭყისგან, მტვრისგან და სხვა ნაგვისგან, რადგან ეს სკუტერს უზრუნველად შეგინარჩუნებს. თუ წვიმიან ან ტალახიან ადგილას მოგიწია სიარული, რაც შეიძლება მალე გაწმინდე , სანამ ტალახი გამარგდება და ადვილად მიიზიდავს ჟანგს, რომელიც გაზრდის ხახუნს და გამოიწვევს ძრავის იმაზე მეტად დატვირთვას, ვიდრე საჭიროა.

4

ნებისმიერი დამატებითი წონა, რომელსაც ატარებ შენი ორბორბლიანი ტრანსპორტით, ზრდის ძრავის დატვირთვას. ამ დროს სკუტერს სჭირდება მეტი შრომა და მოიხმარს მეტ საწვავს, რათა მიაღწიოს სიჩქარეს, ზედმეტი წონის გარეშე კი ეს ნაკლები დატვირთითა და ნაკლები ბენზინით ხდება.

5

და ბოლოს, გაითვალისწინე, რომ თუ სკუტერს ყოველთვის გრან-პრის მრბოლელივით ატარებ, ეს უარყოფითად იმოქმედებს წვაზე. სიჩქარეს ნელნელა მოუმატე, რათა ძრავმა თავის ოპტიმალურ ზონაში იტრიალოს, ხოლო თუ სიჩქარეს მგზავრობის დაწყებისთანავე მოუმატებ, ეს დააზიანებს ძრავს და სხვა შიგნით არსებულ კომპონენტებსაც და შესაბამისად გამოიწვევს წვის ზრდასაც. ზოგადად, სკუტერი საშუალოდ 3 ლიტრს უნდა წვავდეს. არსებობს შედარებით უფრო ეკონომიური სკუტერები, როგორიცაა დიო, რეი ზიარი, ფასინო, გრაზია რომლიც 100კმზე - 2.5 ლიტრს არ აჭარბებს, ზოგი მოდელი 2.2 ლიტრსაც კი წვავს. ასევე, არის ჩინური, უფრო დაბალი ხარისხის სკუტერები, რომელთა წვაც ხშირად 4-5 ლიტრს აჭარბებს. თუ შენი მთავარი მიზანი სკუტერის ეკონომიურობაა, მაშინ გირჩევ უფრო მაღალი ხარისხის ბრენდულ სკუტერებზე გააკეთო არჩევანი.  

ავტორი: ელენე ჭელიძე