მანამდე კი, გაითვალისწინე ეს რჩევები, რომ უფრო უსაფრთხოდ და თამამად გაუდგე გზას წვიმიან დღეს.

წვიმაში სიჩქარის შენელება

სიჩქარის შემცირება ასეთ დროს ყველაზე მნიშვნელოვანია, რადგან ის ყოველთვის უნდა შეესაბამებოდეს გარემო პირობებსა და ამინდს, ასე, რომ წვიმიან ამინდში მოძრაობისას, სიჩქარის გათვალისწინება აუცილებელია. შეიკავე თავი მკვეთრი მოძრაობებისგან , რადგან სწრაფმა აჩქარებამ და დამუხრუჭებამ შეილება შექმნას საავარიო სიტუაცია, ამიტომ შეეცადე, რომ ყველა შენი მოძრაობა იყოს ნაფიქრი და მშვიდი.

იყავი დაკვირვებული

წვიმაში სკუტერით უფრო მეტად უნდა დააკვირდე ისეთ რაღაცებს, რომლებსაც კარგ ამინდში შეიძლება ნაკლებად აკვირდები. რაც უფრო ადრე დაინახავ მოსახვევებს, გუბეებსა და სხვა წინაღობებს, მით უფრო მეტი დრო გექნება რეაგირებისთვის, რადგან სველ ამინდში დამუხრუჭებისა და გაჩერების მანძილი უფრო გრძელია.

სკუტერის მომზადება

მნიშვნელოვანია დროდადრო შეამოწმო მუხრუჭები, რათა დარწმუნდე, რომ ისინი კარგ მდგომარეობაშია, რადგან განსაკუთრებით სველი გზის პირობებში, თავიდან უნდა იქნას აცილებული სრული დამუხრუჭება. აუცილებელია, ყურადღება მიაქციო გამართულად მუშაობს თუ არა შუქურები, სამუხრუჭე შუქები და ინდიკატორის ნათურები.

ჯერ ერთი საქმე..

ნორმალურ პირობებში ხშირად რამდენიმე მოქმედებას ერთდროულად ვაკეთებთ, მაგალითად, აჩქარება, გადართვა ან ბილიკზე დამუხრუჭება მობრუნებისას. წვიმაში ფოკუსირება უნდა მოვახდინოთ ამ მოქმედებების განცალკევებაზე (ანუ დაასრულე შენელება, სანამ კუთხეში შეხვალ). ეს ასევე შეამცირებს ზეწოლას შენი სკუტერის / მოტოს საბურავებზე, რაც ხელს შეუწყობს მის დიდ ხანს შენარჩუნებას.

შენი ატრიბუტიკა

იმისთვის, რომ წვიმაში მგზავრობა კომფორტული გახადო, დაფიქრდი ჩაფხუტისა და სათვალის სწორად შერჩევაზე.  ჩაიცვი წვიმის ქურთუკი და შარვალი, ან გადაიფარე წყალგაუმტარი გადასაფარებელი. არ დაგავიწყდეს, ხელთათმანების გამოყენებაც, მეტი კომფორტისთვის, რა თქმა უნდა, ყოველთვის ჯობია სხეულის არცერთი ნაწილი არ დაგისველდეს. უკვე მზად ხარ წვიმიან დილას თამამად გაეშურო სკუტერით, ან მოტოთი სამსახურში, სკოლაში, უნივერსიტეტში, ან უბრალოდ სასეირნოდ.

ავტორი: ელენე ჭელიძე