აგვისტოს ცხელი და გრძელი დღეები უკვე მოვიდა და იმის გარდა, რომ დასვენება დავგეგმოთ და წინასწარ ვიყიდოთ ფესტივალის ბილეთები, აუცილებელია გვქონდეს გეგმა, როგორ მოვუაროთ ჩვენს სკუტერს/მოტოს ისე, რომ ზაფხულის სიცხემ და მტვერმა მცხუნვარე დღეებში ვერაფერი დააკლოს.
ამ სტატიაში, გაგიზიარებ 5 მარტივ და სასარგებლო რჩევას, რომელიც დაგეხმარება ზაფხულის განმავლობაში კარგად იზრუნო შენს ორბორბლიან მეგობარზე.
შენთვის ცივი წყალი, სკუტერისთვის/მოტოსთვის კი საჭირო სითხე
მნიშვნელოვანია მუდმივად ადევნო თვალი შენს სკუტერში/მოტოში სითხის დონეს, მაგრამ ეს ბევრად პრირიტეტული ხდება ზაფხულში. ტემპერატურის ზრდასთან ერთად, ძრავა უზარმაზარ სიცხესა და დატვირთვას იტანს და ასეთ სიცხეში თუ გაიჭედე დაქოქვა-გაჩერების დროს, ან დიდი ხანი დაყოვნდი საცობში, ძრავა შეიძლება სერიოზულად დაზიანდეს გადახურების გამო.
თხევადი გაგრილებული ძრავა კი დიდად არის დამოკიდებული გამაგრილებლის სითხის ეფექტურობაზე, ასევე, აუცილებლად გაწმინდე ძრავის პლასტინა, რადგან როდესაც ის ჭუჭყიანია, ანდაც სწორედ არ არის გაწმენდილი, ჰაერს უჭირს თავისუფლად მოძრობა და ძრავა თბება. ამიტომაც წინასწარ მოიმარაგე კარგი ხარისხის სითხე, შეავსე საჭირო დონეზე და გაწმინდე ძრავის პლასტინა, რათა თავიდან აიცილო ძრავის რაიმე დაზიანება სიცხის გამო.
რეზინა და პლასტმასი VS მზე
ზაფხული, მზე და ზღვა კარგია, მაგრამ სითბო რეზინისა და პლასტმასის მასალების ერთ-ერთი ყველაზე დიდი მტერია. თუ სკუტერს/მოტოს ზაფხულის ცხელ მზეზე რამდენიმე დღეზე მეტხანს დატოვებ, დიდია შანსი, რომ სხვადასვა პლასტმასის კომპონენტებს გაუჩნდეს ბზარები, ან ნაწილობრივ დნობაც კი დაიწყოს, რაც საშიშს გახდის სკუტერით/მოტოციკლით გადაადგილებას. დაზიანების თავიდან ასარიდებლად, ზაფხულის დადგომასთან ერთად უფრო ხშირად შეამოწმე ყველა ასეთი კომპონენტი და იყავი ყურადღებით.
ჰაერის მაგივრად აზოტი
ზაფხულში, ისევე როგორც შენთვის ბევრად ტკბილი ხდება ბალიშის ცივი მხარე, ასეთივე მისწრებაა სკუტერისთვის აზოტი, რადგან სიცხეში ბევრად იზრდება შიდა წნევა სკუტერის/მოტოს საბურავებზე. მაშინაც კი, თუ შენი საბურავების წნევა რეკომენდებულ დონეზეა, რეალური წნევა ცხელ ზაფხულში ტარებისას გაცილებით მაღალი იქნება. საბურავის შიგნით გაფართოებულმა ჰაერმა შესაძლოა დააზიანოს საბურავი. ზაფხულის თვეებში სუფთა აზოტი ბევრად უფრო მდგრადია გაფართოების მიმართ, ვიდრე ბუნებრივ ჰაერი, რომელსაც ჩვეულებრივ ვიყენებთ დასაბერად. მიუხედავად იმისა, რომ ის ყველგან არ არის ხელმისაწვდომი, აზოტის გაზის გამოყენება უფრო რეკომენდორებულია.
კაი ხსნარი, კაი ფერი
რა თქმა უნდა, სკუტერის/მოტოს ხშირი გაწმენდა და გაპრიალება ყოველთვის კარგი იდეაა, მაგრამ ზაფხულის თვეებში ლაქისა და ცვილის გამოყენება უფრო ხშირადაა რეკომენდირებული. ის დამატებით ფენას შეუქმნის საღებავს და დაიცავს მავნე სხივებისგან, რაც ხელს შეუწყობს ფერის შენარჩუნებას. სწორედ ამიტომ, ზაფხულის ცხელ თვეებში ჯობს ისინი უფრო ხშირად გამოიყენო, ვიდრე ჩვეულებრივ.
ლუის ჰამილტონივით რომ საბურავები არ გაგიცვდეს…
ყოველთვის უნდა აკონტროლო შენი სკუტერის/მოტოს საბურავების სიჯანსაღე, რადგან შეიძლება გაუჩნდეს ბზარები ან გახდეს მტვრევადი, თუ ძალიან დიდი ხნის განმავლობაში მოხვდება მზეზე. ნაწილობრივ დაბზარული საბურავით გადაადილება კი საშიშია და სწორედ ამიტომ, უსაფრთხოებისა და მშვიდი მოძრაობისთვის დარწმუნდი, რომ საბურავი არ არის დეფორმირებული და დაზიანებული.
