როგორც ამბობენ, სკუტერით მოგზაურობა საკუთარ თავთან ღრმა ურთიერთობის განვითარების და შეცნობის საუკეთესო გზაა. იმისთვის, რომ ამ მოგზაურობის გზაზე მაქსიმალურად კომფორტულად იგრძნო თავი და გონება დაძაბული არ გქონდეს, კომფორტის შექმნა ერთ-ერთი აუცილებელი წინაპირობაა.
მე გაგიზიარებ რამდენიმე რჩევას, რომელიც კომფორტულს, მშვიდს და სასიამოვნოს გახდის შენს მოგზაურობას.
იყავი წინდახედული
აუცილებელად გულდასმით შეამოწმე სკუტერი, რომ თავიდან აირიდო მოგზაურობის დროს დაუგეგმავი პრობლემები. შეამოწმე საბურავების წნევა, ჰაერის ფილტრი, სამუხრუჭე სითხე და რაც მთავარია, აუცილებლად შეცვალე ძრავის ზეთი, რადგან შეიძლება გზაზე არ შეგხვდეს სერვის ცენტრი და თავი დაიზღვიე. თუ ჯაბასავით, შორ გზაზე, მაგალითად ევროპაში მიდიხარ, არ დაგავიწყდეს ზეთის, ჰაერის ფილტრის და სხვა ცვეთადი ნაწილების წაღება, რომ საქმე არ გაირთულო.
რა? სად? როდის?
მგზავრობის დაგეგვმის შემდეგ, შეადგინე მცირე გეგმა, რომ წარმოდგენა გქონდეს რა მანძილი გინდა დაფარო და შესაბამისად განსაზღვრო დღეების რაოდენობა. ეს დაგეხმარება უფრო ნათელი წარმოდგენა შეგექმნას შენს მოგზაურობაზე, გამოყო დაახლოებითი ბიუჯეტი და წინასწარ განსაზღვრო გაჩერებების რაოდენობა, სანახავი ადგილები და წასაღებად აუცილებელი ატრიბუტები.
შეარჩიე სწორი სამოგზაურო ჩანთა
რამდენიმე დღის განმავლობაში გზაში ყოფნა ნიშნავს, რომ გარკვეული რაოდენობის ბარგის ტარება მოგიწევს. ჩემი ფავორიტია სატანკო ტიპის მყარი ჩანთები, რომლებიც ნებისმიერ, შენთვის საჭირო ნივთს კომპაქტურად დაიტევს. აუცილებელია წონა თითოეულ მხარეს თანაბრად გადაანაწილო, რადგან წონასწორობაში და სკუტერის მართვაში ხელი არ შეგიშალოს.
აიღე პირველადი დახმარების ნაკრები
არ დაგავიწყდეს და არ დაგენანოს თანხა კარგ კომპლექტში, რადგან მოგზაურობის დროს შენი თავის ბატონ-პატრონი შენ ხარ და როგორც დედა ჩაგილაგებდა პირველად აღჭურვილობას, შენც ასევე მოემზადე. ლეიკო, სპირტი, ბამბა, იოდი და სხვა ნივთები ჩემთვის აუცილებელი ატრიბუტებია. შენ თუ არა, შეიძლება სხვას დასჭირდეს გზაზე დახმარება, ამიტომ ჩაყარე ჩანთაში ყველა საჭირო ნივთი იდეალური პირველად დახმარების ნაკრებისთვის.
დაა კიდეევ…
მოტოციკლეტებისგან განსხვავებით, სკუტერებს აქვთ პატარა ბორბლები, ამიტომ ძრავს მეტი ბრუნვა უწევს მანძილის დასაფარად. ამ მიზეზის გამო, სკუტერებს შედარებით ნაკლები მგზავრობის დიაპაზონი აქვთ, ვიდრე მოტოციკლებს. ამ ლიმიტის დასაძლევად და ასევე ძრავის ეფექტურობის შესანარჩუნებლად იმოძრავე მცირე, მოკლე მუხრუჭებით, რადგან სათანადო დასვენება ქონდეს შენს სკუტერს.
აბა შენ იცი!
ახლა, უკვე ყველა საჭირო ინფორმაცია გაქვს იმისთვის, რომ შენი მოგზაურობა მაქსიმალურად კომფორტული და დაცული გადახადო. შეეცადე, რაც შეიძლება მეტი ახალი რამ აღმოაჩინო, მაქსიმალურად ისიამოვნო, დატკბე თავისუფლებით და რაც მთავარია, ახლიდან აღმოაჩინო შენი თავი მოგზაურობაში გატარებული დროის მანძილზე.
